Согласно новиот Правилник, од денеска сите мали, средни и големи трговци што вршат малопродажба се обврзани секојдневно да ги објавуваат цените на своите производи на своите веб-страници, преку јасно означен дел „Ценовник“.
Цените мора да бидат достапни без најава или регистрација, а ажурирањето да се врши до 10 часот секој ден. Дополнително, ако се нуди некој попуст, задолжително мора да се наведе и редовната цена, процентот на намалување и времетраењето на акцијата.
Доколку биде констатирана грешка на трговецот ќе му биде даден рок од 24 часа истата да ја отстрани.
Оваа обврска не се однесува на микротрговци кои имаа обрт на средства под 50 илјади евра годишно.
