Доброволното противпожарно друштво (ДПД) Кочани оствари прва средба со новите кандидати кои се пријавија на јавниот повик што траеше до 30 јуни.
Пријавени се вкупно 24 кандидати, од кои шест се жени.
Средбата имаше запознавачки карактер, а во наредниот период, кандидатите ќе минат низ теоретска и практична обука во соработка со професионалните пожарникари од ТППЕ Кочани.
Паралелно со активностите за прием на нови членови, во друштвото е извршена и промена на командирското место на интервентната единица.
Досегашниот командир Дејан Минов од 1 јули е дел од редовниот состав на ТППЕ Кочани, а на негово место за нов командир е назначен Мирче Павлов.
За заменици се избрани Горан Илиев и Даниел Јорданов.
Содржината на објавата е сопственост на Радио Кочани.
