Д Хаундс, Љубојна, Камерниот оркестар од Битола, Владо Јанески, Наум Петрески, Пајак..ќе ги забавуваат прилепчани за новогодишните празници.
Македонската музичка естрадна ѕвезда, Наум Петрески ќе биде на новогодишната ноќ , на дочекот на Новата година, на 31 декември и заедно со неговата песна, прилепчани ќе ја дочеката Новата 2026 година ,на плоштадот “Методија Андонов’“-Ченто.
Во рамки на новиот концепт, за прославувањето на Новата 2026 година, за првпат ќе биде организиран и Новогодишен базар на плоштадот, со седум големи дрвени, празнично уредени куќарки, во кои ќе се нудат храна, пијалоци и ракотворби, создавајќи атмосфера по примерот на големите европски новогодишни базари.
Културно-уметничката и музичката програма, како и Новогодишниот базар, ќе бидат отворени секој работен ден од 17:00 до 21:00 часот, а за време на викендите посетителите ќе можат да уживаати во целодневна програма.
Градоначалникот, Дејан Проданоски, упати покана до сите прилепчани и граѓани од целата држава да бидат дел од празничната магија, нагласувајќи дека Прилеп заслужува убава празнична приказна и заеднички моменти исполнети со насмевки и позитивна енергија.
