Во селото Истибања, општина Виница вчеравечер по втор пат се одржа народен собир по повод празникот Света Петка.
Многубројни жители и гости од околните општини се собраа во дворот на подрачното училиште „Гоце Делчев“ за да го одбележат овој значаен ден.
Со звуците на традиционална музика и песни, настанот оживеа со духот на македонската култура и обичаи.
Гостите уживаа во богатата програма исполнета со народни песни и фолклорни настапи, создавајќи пријатна атмосфера која го поттикна заедништвото и поврзаноста меѓу луѓето.
Организаторите ја изразија својата благодарност за големата посетеност и за поддршката на локалното население, кое втора година по ред се грижи овој празник да биде празник на радоста и традицијата.
Народниот собир во Истибања уште еднаш ја потврди важноста на зачувувањето на македонската култура и традиција за идните генерации, а доказ за тоа се 260 семејства кои од странство се вратиле за да го прослават празникот.
Текстот е превземен од Радио Кочани.
