Како приближува моментот за вистински балкански спектакл во Бор , така расте и желбата кај прилепскиот боксер Матеј Чатлески кој сигурно ќе сака да го докаже својот талент во овој спорт , ако се знае дека полека но сигурно прибира искуство од ваквите настани.Познат е и неговиот противник.
Професионалниот боксер Матеј Чатлески и редовен студент на “Факуктет за Електротехника и Информациски Технологии” при универзитетот “Кирил и Методиј” во Скопје, на 28 март ќе настапи во градот Бор, Србија, каде ќе ги одмери силите со искусниот боксер Милош Јанјанин од Босна и Херцеговина. Противникот Јанјанин е официјално одобрен од промоцијата “Balkan Boxing”, што гарантира квалитетен и сериозен меч за Чатлески. Оваа борба ќе биде испитна борба во 4 рунди, важен тест за формата и подготвеноста на македонскиот професионалец, кој чекор по чекор ја гради својата кариера на професионалната сцена. Настанот е во организација на промоцијата “Balkan Boxing”, а главен организатор е Ненад Боровчанин. Официјален фајт кард : Almir Memic (SRB) VS Iago Kiziria (GE) 6 r. Miljan Djordjevic (SRB) VS Carlos Rivero (VEN) 6 r. Marco Maric (SRB) VS Karoly Botos (HUN) 4r. Matej Chatleski(MKD) VS Milos Janjanin (BiH) 4r. Matija Radovic (MNE) VS Ivan Krivacevic(SRB) 4r. Benjamin Poturak(BiH) VS Pal Olah (HUN) 4r. Откажани се двете атрактивни борби на српските боксери Милош Јаничич и Јован Николич . Љубителите на боксот ќе можат да ги проследат борбите во живо на Arena Fight TV.
