Денеска на првата Седница на Советот на Општина Прилеп, во новата 2025 година, на кои треабше да се разгледаат и усвојат финансиските извештаи за 2025 година на јавните комунални претпријатија и финансиските извештаи на образовните институции, опозицијата на стартот ја напушти седницата, со образложение дека не сака да присуствува, бидјеќи информацијата за зимското одржување, како дополнителна точка на дневниот ред предложена од нив, не е ставена на дневен ред.
Советникот Александар Китаноски од говорницата рече дека „ Јовчески го претвори Прилеп во скијачки центар„ а, Никола Мариноски посочи дека советничката група на СДСМ ја напушта седницата „за да им овозможиме на советниците од власта лесно да ги усвојат сите предложени точки од дневниот ред“, и ја напиштија седницата. По ова, Советот на Општина Прилеп продолжи да работи по усвеониот дневн ред, со останатите советниците.
Најпрвин, со мнозинство на гласови, беше усвоен извештајот за работата на Советот на Општина Прилеп за 2024 година. А, потоа беа усвоени финансиските извештаи, планови, активности и програми на јавните комунални претпријатија: ЈКП ,,Водовод и канализација’’- Прилеп, ЈП за ПУП Прилеп, ЈКП Пазари, ЈКП Комуналец за 2025 година, како и финансиските извештаи за 2025 година на образовните инсисуции: детската градинка “Наша иднина “ и домот за стари лица „Киро Крстески – Платник’’ .
