СВР Велес сподели официјална информација за сообраќајната несреќа од синоќа, на експресниот пат Прилеп – Градско, каде товарно возило удрило во банкините.
–
Синоќа околу 19:50 часот, во СВР Велес е пријавено дека на исклучокот од новоизградениот експресен пат Прилеп-Градско за приклучокот на автопатот А-Градско-Скопје, товарно возило „МАН“ со скопски регистарски ознаки, управувано од Д.М.(41) од Скопје, удрило во метална еластична ограда и сообракајни знаци. Во несреќата со телесни повреди се здобил возачот констатирани во Општа болница Велес. Извршен е увид од увидна екипа од СВР Велес, соопштија од СВР Велес.
Синоќа во периодот од 20:10 часот, до утрово до 01:20 часот, патничкиот и товарниот сообраќај на новоизградениот експресен пат беше во прекин, а сообраќајот беше пренасочен по регионалниот пат Градско -Росоман.
