Генералниот секретар на Движењето ЗНАМ за наша Македонија, Горан Минчев, денеска ги повика граѓаните на Кочани – членови и симпатизери на неговата партија на претстојните Локални избори што ќе се одржат на 19 октомври да ја подржат листата под реден број 2 со кандидати за советници на ЗНАМ чиј носител е Мехмед Суад. Исто така, тој ги повика кочанчани, во трката за градоначалничката функција, пак, подршката да му ја дадат на Влатко Грозданов, надпартиски кандидат, предложен од ВМРО – ДПМНЕ.
Суад Мехмед е добро познат на кочанчани. Тој е ваш комшија, пријател. Подржете го. Вие сте негова обврска, а Суад за возврат ќе го испорача сето она што се вели подобар стандард и живот. Воедно, ја користам приликава, во трката за градоначалник, кочанчани да ги пвикам да го дадат својот глас за Влатко Грозданов, човек кој доаѓа од домаќинско семејство, професионалец, мирен и скромен. Јас се надевам дека Грозданов ќе го испорача тоа што во овој момент им треба на кочанчани.Сигурен сум во неговата победа и можам да кажам дека тој е гарант за успехот на сите , порача Минчев, откако претходно ја промовираше Листата со кандидати за советници на ЗНАМ, предводена од Мехмед Суад.
Генералниот секретар на ЗНАМ, Горан Минчев, рече дека, програмата на неговата партија за овие локални избори е направена заедно со граѓаните, откако во претходните два месеци се дектирани главните проблеми на локално ниво, при што акцентот е ставен на инфраструктурните проекти.
Содржината на објавата е сопственост на Радио Кочани.
