РК Прилеп во првото коло од Супер ракометната лига-мажи, на пелагониското дери со Еурофарм Пелистер 2, изгубија на домашен терен – 29-32 (15-16). Прилепските ракометари рамноправно и „машки се бореа“ до 20-та минута, кога пелистерци започнаа да водат со два/еден гол-разлика, не дозволувајќи им на домашните играчи да изедначат на полувреме. Па, на одмор се замина со гол-разлика, 15-16.
Но, ракометната драма, во салата на СОУ“ Р. Р Ричко“ продолжи во вториот дел кога со головите на Митревски и Белистојановски и при 18-20 прилепските ракометари постојано беа во резултатски проблем. Мечот влезе во неизвесност, кога Прилеп успеа да израмни, 22-22, а потоа и двапати да поведе (23-22, и 24-23). Но, по неколкуте промашувања на крилата, и неколку не реализирани „зицери“ и шанси се оттргна надежта дека противникот може да се совлада и дека бодовите ќе останат во Прилеп. На пелагониското дерби, повторно победи помладиот состав на битолската екипа, Еурофарм Пелистер.
Најефикасен кај Прилеп беше, левото крило, Димитар Димитриоски, со десет постигнати гола, додека во тимот на Еурофарм Пелистер 2 се истакнаа Христијан Митревски со десет и Маркоски и Белистојановски со по пет погодоци. Важна алка во победата на Еурофарм Пелистер 2 беше голманот, Мартин Јовановски, кои со седумнаесет одбрани, особено во последните минути од натпреварот, создавајќи не можност прилепчани да направат пресврт на натпреварот.
Со ова битолчани најавија дека се подготвуваат да бидат дел од Топ-6, а Прилеп ќе мора да бара нова шанса против некој друг, доколку сака да игра плејоф, како што најави на стартот на првенството.
