Со Света Литургија и со голем собир и годинава се планира да биде одбележан празникот Источен петок Балаклија на манастирот Добра вода во Оризари.
Првиот петок по Велигден секоја година во овој манастир се собираат голем број верници и се организира голем црковен собир.
Со манастирски ручек ќе биде одбележан и овој празник посветен на Мајката Божја.
Домаќините на манастирот ги прават последните подготовки околу славата.
-Во петок се организира собир на манастирот и сакам да ги поканам сите верници да присуствуваат. Поради трагедијата со младите годинава нема да се слави, туку само ќе оддадеме почит на Мајката Божја и ќе се служи Света Литургија, рече Перo Стаменков, домаќин на манастирот.
Инаку, освен на овој ден, на манастирот Добра вода кај Оризари слава има и на втор ден Божиќ кога и на тој ден се собираат голем број верници.
Приоритет во манастирот е да се направи кујна но и конаци кои што ќе бидат место каде што верниците од други градови ќе можат да преспијат во манастирот.
Со празникот посветен на Пресвета Богородица и се оддава признание на Мајката Божја, по што манастирот го носи нејзиното име.
Се верува дека водата во овој манастир е лековита.
Содржината на објавата е сопственост на Радио Кочани.
