Во прилепското одделение за внатрешни работи, вчера прилепчанец пријавил дека неговата ќерка ги оставила трите мали деца незгрижени и сами во домот. Тој ги прибрал кај себе внуците и пријавил во полиција стои во соопштението СВР Битола:
На 19.06.2025 во 01.40 часот во ОВР Прилеп, М.А.(50) од Прилеп пријавил дека на 18.06.2025 околу 22.00 часот во домот на неговата ќерка М.А., во кој вонбрачно живеела со С.А., а кој бил на работа во Охрид, ги пронашол сами нивните три деца на возраст од три, две и една година. Според пријавеното, тој ги земал децата во неговиот дом и се слушнал со неговата ќерка, која му кажала дека не можела да се грижи за децата. Се преземаат мерки за расчистување на случајот.
