За подобрување на безбедноста во сообраќајот Петра Лукароска, кандидат за градоначалник на Општина Прилеп од Коалицијата предводена од СДСМ предлага изградба на два кружни тека:
Метежот во сообраќајот е наше прилепско секојдневие.Во целиот тој хаос, вкрстувањето на улиците пред новата автобуска станица е „црна точка“ и перманентна опасност по безбедноста на сите учесници во сообраќајот. Проблемот го решаваме со изградба на два кружни тека: едниот на спојот на „Леце Котески“ и булеварот „Гоце Делчев“, другиот на крстосницата помеѓу улиците „Браќа Миладиновци“, „Архиепископ Доситеј“, „Карпалак“ и булеварот „Гоце Делчев“.
Со поставување современа хоризонтална и вертикална сигнализација на двата кружни тека, обезбедуваме ефикасна сообраќајна регулација, намалување на метежот, поголема безбедност и подобар урбан развој,“ посочи Петра Лукароска, кандидат за градоначалник на Општина Прилеп од Коалицијата предводена од СДСМ.
