Според возачите – кружниот тек лоциран на улицата „Димитар Влахов“ во Кочани, е небезбеден за учесниците во сообраќајот.
Причина за тоа е слабата прегледност на возачите кои се вклучуваат од улицата „Стево Теодосиевски“ кон сообраќајницата на „Димитар Влахов“.
Исто така, според нив и оние кои се движат од улицата „Димитар Влахов“, неможат да ги видат оние кои се наоѓаат на „Стево Теодосиевски“.
Непрегледно е во текот на денот, а управувачите на моторните возила во вечерните часови се ориентираат според светлата на автомобилите.
Решението според нив е, кога веќе неможат да се отстранат објектите кои пречат на видливоста на возачите, е да се постави сообраќајно огледало или евентуално други сообраќајни помагала кои делумно би ги олесниле маките на учесниците во сообраќајот.
