Општина Виница денеска започна со подготвителни активности за поплочување на две улици во Истибања и за изградба на тротоар на влезот од селото. Нешто подоцна, најавуваат од Општинатата, ќе продолжи поплочувањето на повеќе помали и потесни улици во градот и во неколку населените места.
-Финансиските средства за овој проект во висина од 5,7 милиони денари се обезбедени од Буџетот на Општина Виница, информира градоначалникот Митко Костадиновски.
Исто така во Истибања, додава тој, одлична е динамиката и на изградбата на уште еден капитален проект – Регулација на „Кајанечки дол“ во должина од околу 870 метри, во кој е вклучена изградба на 2 патнички и 3 пешачки моста.
Ова инвестиција, според градоначалникот на Општина Виница Митко Костадиновски, достинува вредност од 19,5 милиони денари, средства обезбедени од Министерство за животна средина и просторно планирање, преку владиниот повик за инфраструктурни проекти.
Содржината на објавата е сопственост на Радио Кочани.
