Кочанскиот бенд „Корка“ го привлече вниманието на домашната музичка јавност откако беше избран за најуспешен учесник на овогодинешното издание на националниот музички натпревар „Imagine Macedonia“, одржан во Скопје.
Настапувајќи меѓу повеќе млади состави од целата земја, „Корка“ се истакна со сопствен музички израз и сценска енергија, што беше пресудно за одлуката на жирито.
Натпреварот се реализираше во рамки на младинската фестивалска програма „Здраво млади“, која традиционално промовира нови имиња на домашната сцена.
Како резултат на освоеното признание, бендот доби можност да настапи на меѓународна сцена, каде во декември во Брисел ќе се сретнат со музички состави од повеќе европски држави.
Овој настап претставува значаен чекор напред во нивниот музички развој и отвора можности за поширока афирмација.
Проектот „Imagine Music Experience“ функционира како платформа за поддршка на млади автори и бендови, со цел поврзување, размена на искуства и создавање нови креативни соработки.
За кочанската сцена, успехот на „Корка“ се оценува како дополнителен поттик за младите музичари и доказ дека квалитетот може да се пробие и надвор од локалните рамки.
Содржината на објавата е сопственост на Радио Кочани.
