Владимир Грчев, млад ум од Кочани со извонреден интелект и неуморна амбиција, само за една учебна година откако премина во ООУ „Братство – Карпош“ во Скопје, е прогласен за Првенец на генерацијата.
Неговото пристигнување во новата училишна средина не беше пречка, туку почеток на импресивен успех. За само неколку месеци, Владимир постигна резултати што го издвојуваат не само во рамките на училиштето, туку и на национално ниво: златни медали, први места, и учество во националните тимови по информатика, како и најновиот врвен резултат – пласман во националниот тим по математика.
Неговите достигнувања се доказ дека вистинскиот талент и труд секогаш ќе бидат препознаени. Признанието што го доби е личен успех, чест за училиштето во кое го завршува образованието, но пред сè – гордост за неговиот роден град Кочани, бидејќи Владимир Грчев е нашиот Кочански Гениј – симбол на знаење, истрајност и инспирација за генерациите што доаѓаат.
Содржината на објавата е сопственост на Радио Кочани.
