Жителите на дел од улицата „Стамен Манов“ се соочуват со сериозна закана по безбедноста на граѓаните. На улицата, каде секојдневно се движат пешаци, деца и возила, веќе подолг период стои отворена шахта без капак, длабока околу 6 метри а жителите кои се дирекно засегнати поставили привремено решение тенок лим кој во секое време може да пропадне.
Овој проблем е уште поопасен поради фактот што токму овој дел каде е опасноста нема ни улично осветлување, што ја зголемува веројатноста за несреќи, особено во ноќните часови.
Жителите алармираат дека шахтата е тешко забележлива во мракот и претставува смртоносна замка. Неколку инциденти се веќе пријавени, а многумина живеат во страв за своите деца кои секојдневно ја користат таа улица на пат кон училиште.
Граѓаните апелираат до надлежните институции итно да ја санираат шахтата и да постават улично осветлување, со цел да се спречат евентуални трагични настани.
Содржината на објавата е сопственост на Радио Кочани.
