Министерствто за транспорт денеска објави Јавен повик за набавка на 150 електрични еколошки автобуси и 75 полнилници. Согласно планот за набавка, 100 автобуси се наменети за Град Скопје, а останатите 50 за останатите општини.
Дали вакви автобуси има и за Прилеп, останува да се види, иа доколку има кога, докој период тие би биле испорачани,останува да се види. А, роковите за испорачување се веќе утврдени
Најповолниот понудувач има обврска да произведе и да испорача 30 автобуси во рок од 6 месеци, 60 автобуси во рок од 12 месеци, а 60 автобуси во рок од 18 месеци.
Рокот за доставување на потребната документација e до 30 март 2026 година.
Јавниот повик е објавен на електронскиот сервис за Бирото за јавни набавки.
Од Министерството нагласуваат дека инвестицијата е дел од стратешкиот план за трансформација на градскиот сообраќаен систем, кој ќе ја зголеми економичноста на транспортната мрежа и ќе придонесе за подобрување на условите за користење на јавниот превоз. Новите електрични автобуси, покрај еколошките придобивки, се очекува на долг рок да овозможат и пониски трошоци за одржување и енергија.
