На денешната седница советниците со мнозинство на гласови ги избраа предложените членови во управните и надзорните одбори на јавните комунални претпријатија: ЈКП,, Водовод и канализација“-Прилеп, ЈКП,, Пазари“-Прилеп, ЈКП „Комуналец“-Прилеп, ЈП за ПУП-Прилеп, Јавно претпријатие за енергетски дејности „Енерго-Прилеп“ Прилеп и на ЈСП „Прилеп“ Прилеп, а беа именувани и членови – претставници на основачот во Управниот одбор на ЈОУ Дом за стари лица „Киро Крстески – Платник“ – Прилеп. Ова точки предизвикаа низа дискусии, прекин на седницата во неколку наврати и барање на правни аргументи за начинот и законската одредба за избор на предложените лица. Сепак на крајот точките беа уловени со мнозинството гласови.
Воедно, советниците денска ги разгледаа и усвоија предлог-решенијата за именување на претставници на Општина Прилеп во училишните одбор во три основните и три средни училишта.
На барање на здружението „Прилеп Фиш Прилеп“ советниците дадоа согласност за користење на името „Прилеп“, а утврдија висината на цената на превозот на учениците во општинските основни и средни училишта за релациите каде нема обезбедено линиски превоз, за учебната 2025/2026 година. и едногласно ја усвоија програмата за утврдување на критериумите и стандардите за поставување на урбана опрема на подрачјето на општина Прилеп и одлуката за донесување на урбанистички проект со план за парцелација за ГП 279, 280, 281, 282, 285, 286, 287, 288, од ДУП за УАЕ бр. 11-дел, КО Прилеп, Општина Прилеп.
