Група љубители на фудбалот, главно „по потекло“ од Варош, креираат иницијатива за обнови на некогашниот фудаблски клуб „Варош, под наслов
„ Да го обновиме ФК Варош – Прилеп!“
Во нивната иницијатива се вели:
„Со голема љубов кон спортот и нашата населба, сакаме повторно да го вратиме животот во ФК Варош – Прилеп. Клубот има традиција, историја и место во срцата на многу генерации, а сега е време повторно да заживее.
Ги повикуваме сите поединци, спортски ентузијасти, поранешни играчи, љубители на фудбалот и сите добронамерни луѓе кои сакаат да помогнат во обновата на клубот и подобрувањето на фудбалското игралиште да ни се придружат.
Секоја помош е добредојдена – со идеи, физичка работа, донации или поддршка од каков било вид. Заедно можеме повторно да создадеме место каде младите ќе спортуваат, ќе се дружат и ќе растат во вистински спортски дух.
Да го вратиме Варош таму каде што припаѓа – на фудбалскиот терен!, пишува на нивната ФБ страница
И во коментари, започнуваподдршката и разните понуци за да се помогне да се реобнови овој клуб кој згасна пред 9 години, поточно со последниот првенствен меч одигран на 26 ноември 2017 година. Инаку, и овој прилепски клубот е со долга и богата традција, а ФК Варош , како дел од истоимената прилепска населба, учествувал и во Втората лига на Македонија.
Се смета дека ФК Варош е еден од постарите прилепски лубови, формиран во 1939 година под името ФК „Искра“. Во 1977 година, клубот е реорганизиран и почнал да се натпреварува во Општинската и Квалитетната фудбалска лига под името ФК „Црвени Стени“, а во 1984 година ФК „Црвени Стени“ е преименуван во ФК „Варош“.
Инаку клубот, ФК „Варош“ располагаше со сопствен стадион, ( во близината на Институтот за тутуни) канцеларија, соблекувални со тушеви, изградени по сите стандарди и со одлични услови за одржување на натпревари. Но, за време на повеќегодишниот прекин на натпреварување на клубот, стадионот и објектот денеска се руинирани и преставува запуштена трнлива ливада со искрешени ѕидини на т.н соблекувални и канцеларија.
(Никој не презеде одговорност за уништувањето на овој стадион и објектите во него.) Денес фудбалската желбата повторно се буди кај Варошани, но дали тоа ќе остане само желба или клубот ќе најде место под фудбалското сонце, останува времето да покаже!
