Со благослов на Неговото Високопреосвештенство, Митрополитот Брегалнички г. Иларион, започната е иницијатива за довршување и осветување на Соборниот храм „Св. Преображение“ во Кочани.
Храмот се наоѓа во Стопанскиот двор, во близина на Детската градинка и фабриката „Руен“.
Градежните работи започнале во далечната 2006 година, а доизградбата е финализирана во 2021 година.
Денес, овој велелепен храм е внатрешно затворен и подготвен за фрескопишување – фреските се веќе нарачани.
Иконостасот е изработен, а во наредниот период се планира поставување на подот.
Досегашниот напредок е остварен благодарение на помошта од еден благочестив донатор.
Сепак, за целосно довршување на храмот, потребни се дополнителни средства за следните активности:
Завршување на фасадата
Уредување на дворното место
камбанарија со свеќарник
Продавница за свеќи
Крстилница
Дел од постоечките помошни објекти ќе бидат реновирани и пренаменети за овие потреби.
Сите верници и луѓе со добра волја кои сакаат да помогнат, може да донираат на следниве начини:
Парична донација преку сметката на храмот „Св. Преображение“
Директна донација при свештенството во храмот „Св. Георгиј“ – Кочани
Донација во градежен материјал (по претходна консултација со свештенството)
Доброволна работна рака од мајстори и занаетчии
Оваа хумана и духовна мисија се реализира во соработка со свештенството при храмот „Св. Георгиј“ – Кочани, поддржана од верски организации и бројни благочестиви христијани.
Содржината на објавата е сопственост на Радио Кочани.
