Денеска во Основното училиште „Никола Карев“ се одржаа „Игри без граници со вклучување на деца со попреченост“, активност која е дел од проектот „Преку спорт до инклузивно и квалитетно образование“, финансиран од страна на Бугарската развојна помош.
Целта на овој настан беше преку спортски игри во кои учествуваат деца со попреченост од Кочани и соседните општини да се промовира инклузивно спортско образование и да се потенцира дека во спортот не постојат разлики.
Освен ова, денеска во спортската сала на ОУ „Никола Карев“ беше промовирана и спортската опрема која е набавена и наменета најмногу за децата со попреченост.
На „Игрите без граници со вклучување деца со попреченост“, што се одржаа денеска во салата на кочанското основно училиште, присуствуваа амбасадорот на Р. Бугарија во нашата држава, Жељаско Радуков, како и претседателката на Македонско – бугарската стопанска комоеа, Билјана Митева. Целото случување дополнително беше збогатено со учество на фудбалери на ФК „Осогово“ и ФК „Светлост“ од Зрновци.
Проектот „Преку спорт до инклузивно и квалитетно образование“ е финансиран од Бугарската развојна помош, а го спроведува Македонско – бугарската стопанска комора. Партнер во активностите е ОУ „Никола Карев“, а координатор Ирена Мирчовска.
Неговата вредност изнесува точно 14 411 евра. Реализација треба да биде завршена до крајот на оваа година.
Содржината на објавата е сопственост на Радио Кочани.
