Независниот кандидат за градоначалник на Општина Прилеп, Ѓорѓија Игески, кој влегува во трката за градоначалници под мотото „Одиме храбро, чесно и работно! – АЈДЕ ДА ГИ ИЗНЕНАДИМЕ ПРИЛЕПЧАНИ!’ во својата програма за млади и спорт, култура и образование, фокусот го става врз подобрување на условите за спорт, култура и образование. Игески истакнува дека ги разбира проблемите на градот и на младите кои сакаат да живеат подобар и поквалитетен живот од овој кој го имаат сега.
Игески доколку ја добие довербата на граѓаните, најавува:
Итно реновирање на двете спортски сали и ставање под надлежност на општината
Реновирање на веќе постоечките спортски сали и игралишта и финансиска поддршка на спортските клубови и младински школи
Награди и стипендии за најуспешните спортисти
Стратегија за развој на спортот преку јавно-приватно партнерство
Итно плаќање на долгот или замрзнување, и барање на нов инвеститор за прилепскиот спортски фудбалски бренд ФК „Победа“.
Се разбира финансиска поддршка ќе имаат културните манифестации, вели Игески, кои за младите и за културните потреби на прилепчани најавува фестивали и уметнички проекти, реконструкција на културните домови и ново кино/театар, финансиска поддршка на уметниците и културните здруженија.
Ѓорѓија Игески порача дека во неговата програма,со акцент на младите е вклучено и образованието со креирање на развојни програми за дигитализација во училиштата, воведување дополнителни секции за странски јазици, ИТ и уметност, обуки за наставниците и задолжително неделно поднесување на извештај за потребите и предлозите на сите училишта.
