Репрезентативниот стопер Јован Манев ќе го засили тимот на Ријека и ќе биде најавен како големо засилување во одбраната на оваа екипа која е лидер во шампионатот на Хрватска и тим кој се надева дека оваа сезона ќе успее да ја освои круната пред Хајдук и Динамо. Манев во наредните два-три дена ќе го комплетира трансферот од тутрскиот тим Адана Демирспор кој банкротираше.
За дефанзивецот од кочанското село Грдовци ова ќе биде втор предизвик во Хрватска откако лани како отстапен играч го носеше дресот на Осијек за кој одигра само седум натпревари. Нашиот репрезентативец ќе се приклучи на новиот клуб на подготовките во Хрватска каде Ријека ја темпира формата за стартот на пролетниот дел од сезоната. Ријека се надева дека со него ќе стигне до титулата како пред неколку години кога во своите редoви до тронот стигнаа со Стефан Ристовски и Дарко Велковски.
СпортСпорт дознава дека хрватскиот тим за услугите на Манев ќе и плати и добра цифра на Адана Демирспор, клуб со кој Манев има договор до 30 јуни 2027 година.
Содржината на објавата е сопственост на Радио Кочани.
