Утре, 19. август, православните христијани го слават празникот Преображение Христово – Преображение на Господ Бог. Момент на преобразба на човекот во добрина и неговото поврзување кон духовното и Бога, и момент на преобразба на природата. Прилепскот храмот Св. Преображание ги очекува верниците рано наутро на црковна молитва. Црквата кани да се отворат дверите на човечките срце, за таму да се насели Бога и сите луѓе, „да подариме повеќе љубов, да се преобразиме не само себеси, туку со својот живот, со својот пример и сите околу нас.“ се вели на денот на Преображаение.
Се вели дека за среќа, токму на овој ден за прв пат во годината се бере грозје. Грозјето потоа се носи во црквата каде што свештеникот по молитвата го благословува, кои по осветувањето се делат со блиските како симбол на здравје, бериќет и благослов. Се верува дека со осветеното грозје доаѓа духовна и материјална радост во домот. Освен грозјето, се верува и дека другите есенски плодови носат среќа, па така порано се осветувале и јаболката, сливите, крушите.
Празникот се вика Преображение затоа што, уште во раната зора на овој ден, почнуваат да се преобразуваат гората и водата, најавувајќи ја идната есен. Поради заладувањето на времето се верува дека на тој ден се преобразува природата.
Во народот се вели дека на овој ден луѓето за последен пат во летото можат да се искапат во реките затоа што подоцна водата станува студена.
Уште едно верување вели дека на Преображение не е убаво преку ден да се спие, бидејќи кој тој ден поспие, ќе се преобрази, па цела година ќе биде мрзелив и поспан. Овој ден не е убаво ниту да се плаче, нуту да се помине цел ден во кафеана, за луѓето да не станат расипикуќи.
Порано, на овој ден постеле само жените, а сега спаѓа во празниците со строг пост. Се верува и дека, кога на болен ќе му се дадат лешници, тој ќе оздрави. Во некои места било обичај на Преображение жени и девојки да станат пред сонце и да работат некоја домашна работа, бидејќи се верувало дека Бог ќе ги преобрази да бидат вредни.
