В.Д Градоначалникот на Општина Кочани, Венко Крстевски, денеска официјално седна во градоначалничката фотеља.
Крстевски посочи дека состојбата во општината е хаотична, како и во КЈП „Водовод“, каде утринава бил на состанок со вработените.
Според него, оставени се проекти без целосна документација, не знаат дали имаат или немаат директор во Комуналното претпријатие, а катастрофална е и состојбата во ТППЕ, каде работат со 16 пожарникари, а според бројот на жители и регионот кој го покриваат, потребни им се најмалку, 33 пожарникари.
Исто така, рече дека и сите проекти од претходниот градоначалник Љупчо Папазов ќе продолжат со реализација.
Воедно побара и помош од градоначалницте од другите општини да им дадат инспектори, а најави и состанок со Министерството за животна средина за трајно затворање на депонијата во Кочани.
Содржината на објавата е сопственост на Радио Кочани.
