Во Општина Чешиново-Облешево следува период на интензивни градежни активности, како дел од проектите за унапредување на локалната инфраструктура.
По одобрувањето на проектите од страна на Владата, во тек е изборот на компании кои ќе ги изведуваат градежните работи во повеќе населени места во општината.
Меѓу главните проекти се реконструкцијата на улиците „Гичо Стојчев“ и „Трајан Мицков“ во село Кичино, дел од улицата „Јоаким Крчовски“ и режимот на сообраќај на улицата „Маршал Тито“ во село Облешево, како и реконструкцијата на улицата „Прохор Пчински“ во село Чифлик.
Дополнително, планирана е реконструкција на улицата „1-ви Мај“ во село Спанчево и изградба на систем за одводнување на отпадни води во село Соколарци – втора фаза.
Овие проекти се реализираат преку јавниот повик за финансирање на инфраструктурни зафати за поддршка на општините, кој го спроведува Владата. Градоначалникот на Општина Чешиново-Облешево, Далибор Ангелов, потенцира дека овие активности ќе значат подобрување на условите за живот и работа во општината.
Содржината на објавата е сопственост на Радио Кочани.
