Откако вчера УО на ФФМ го именува Гоце Седлоски за нов селектор на фудбалската репрезентација на Македонија, денеска се одржа официјалната промоција.
Седлоски како поранешен фудбалер, стана првиот кој запиша 100 настапи во националниот трим на Македонија, за која постигна 8 голови.
Тој доаѓа на местото на Благоја Милевски кој уште еднаш го одведе националниот состав до бараж за Светското првенство 2026. Задачата на Седлоски нема да биде ни малку лесна, па доколку Седлоски и неговите избраници напролет сакаат да испишат нова историја ќе мора да ги добијат двата бараж дуели. Првиот полуфинален е на 26 март против Данска, а последната пречка ќе биде победникот од дуелот Чешка – Р.Ирска во финалниот меч на 31 март.
Во својата тренерска кариера, Гоце Седлоски работеше како асистент и в.д. селектор на Македонија. На клупско ниво ги предводеше Хоризонт Турново, Вардар, Рига (Летонија), Широки Бријег (Босна и Херцеговина), вториот тим на Динамо Загреб (Хрватска), Шкупи, Влазниа (Албанија) и Работнички.
Во досегашната тренерска кариера, Седлоски освои три шампионски титули, со ФК Вардар во сезоните 2015/16 и 2016/17, со ФК Шкупи во сезоната 2021/22, како и Куп титула со ФК Вардар во сезоната 2024/25.
