На 28.07.2025 во 02.30 часот во ОВР Прилеп било пријавено дека во угостителски објект во Прилеп, С.Т.(61) од Прилеп бил физички нападнат од лице вработено во објектот. Се преземаат мерки за расчистување на настанот.
На 27.07.2025 во ОВР Прилеп, В.Д.(65) од с.Годивлје, општина Кривогаштани, пријавил дека во с.Годивлје настанал пожар на трева во дворно место од куќа, сопственост на Љ.Т.(52) од Прилеп, при што изгорела помошна просторија и празни сандаци за пчели . Пожарот бил изгаснат од екипа на Територијалната противпожарна единица Прилеп. Повредени лица нема, а увидот извршила увидна екипа на ОВР Прилеп.
На 27.07.2025 во 20.00 часот во Полициското одделение Кривогаштани, Д.Б.(24) од Прилеп, со престој во с. Обршани, прилепско, пријавил дека во с. Бела Црква бил нападнат со тврд предмет од Б.М. од с.Бела Црква. Се преземаат мерки за расчистување на настанот.
