Во Центарот за култура „Бели мугри“ синоќа, се одржа завршниот концерт на Фолклорниот ансамбл „Мугри“ и оркестарот на изворни народни песни и ора, што работат при установата.
Годинава фолклористите и членовите на ансамблот беа активни во однос на настапи во земјава и странство, при што освоија бројни награди и признанија.
На вчерашниот концерт настапија повеќе фолклорни групи од државата.
Фолклорниот ансамбл „Мугри“ се вбројува меѓу првите ансамбли во регионот кој со својата работа ја поврзувал и сеуште ја поврзува историјата и традицијата и чува живи спомени за македонскиот идентитет.
Како што кажува и името на ансамблот своите почетоци ги поврзува со објавувањето на стихозбирката „Бели мугри“ од поетот Кочо Рацин и се непроценлив дел од македонската култура што овозможува и ден денес да го чуваме, негуваме и промовираме идентитетот како наследство – во земјава и во светот.
Текстот е превземен од Радио Кочани.
