Фолклорниот ансамбл „Мугри“ се врати од Меѓународниот фестивал „Коло без граници“ што се одржа во Тиват, Црна Гора, од 20 -ти до 24- ти август.
Членовите на Ансамблот на ЦК „Бели мугри“ од Кочани таму беа дел од фолклорниот мозаик од учесници од Италија, Грција, Црна Гора, Грузија, Чешка, Романија, со кои споделија искуства и знаења.
Убаво поминато време во презентација на националниот фолклор, дружење, забава, крстарење, дефилеа и настапи, ни рече Драги Атанасов, раководител на Ансамболот кој работи во состав на кочанската Национална установа.
ФА „Мугри“ се врати од Тиват од „Коло без граници“ со диплома за учество, подароци од соработници и незаборавни спомени.
Содржината на објавата е сопственост на Радио Кочани.
