Фудбалерите на „Соколарци“ се новите шампиони на 53. издание на традиционалниот фудбалски турнир во рамки на Илинденските спортски игри што се одржаа во Чешиново. Во финалето, тие одиграа без голови (0:0) со екипата на „Облешево“, но беа поуспешни при изведувањето на пеналите, победувајќи со резултат од 5:4.
Како награда за првото место, Локалната самоуправа на општина Чешиново-Облешево на екипата на „Соколарци“ и додели паричен ваучер во износ од 140.000 денари, додека второпласираната екипа „Облешево“ доби ваучер од 70.000 денари.
За најдобар голман беше прогласен Филип Лазаревски од победничката екипа, а за играч беше избран Славче Живков исто така и тој се натпреваруваше за победничката екипа.
Во продолжение се изјавите на организаторот Митко Бојаџиев и капитенот на победничаката екипа Славче Живков.
Организацискиот одбор додели и благодарници на Полицискта станица – Кочани, ОФС – Кочани и другте поддржувачи.
На градоначалникот Далибор Ангелов му доделија дрес во знак на успешната соработка во текот на неговите четири години.
Инаку, манифестација е една од најстарите во регионот која трае еден месец, а низ годините минати на Илинденските спортски игри настапиле многу екипи од регионот и пошироко, кои покажале врвни спортски резултати, спортска игра и дружење.
Целта на турнирот е да се чува и негува една од најстарата спортска традиција, но во истовреме се развива и спортскиот дух меѓу жителите.
Сите натпревари се одиграа на фудбалското игралиште ,,Даме Груев” во Чешиново.
Содржината на објавата е сопственост на Радио Кочани.
