Вкупно осумнаесет лица се примени синоќа во кочанската Општа болница со повреди здобиени во пожарот што избувна вчера доцна попладне во фабриката за кондиторски производи „Макпрогрес“ во Виница.
Петмина од нив се наоѓаат на хирургија со тоа што четворица се со изгореници на нозете од прв и втор степен. Петтиот што е задржан на хируруршкото одделение е со инхалациони (токсиколошки) повреди.
Други петмина повредени во пожарот во „Макпрогрес“ се згрижени на интерното одделение во Општата болница во Кочани. Сите се со инхалациони повреди (вдишување чад), односно со токсиколошки наод.
Шест други лица веднаш се препратени на Клиника во Скопје, сите затруени со чад од огнот. Преостанатите си заминале после укажаната лекарска интервенција.
За ова не информираше Оливера Цимбаљевиќ, анестезиолог, раководител на одделението за анестезиологија и реанимација во кочанската Општа болница.
Таа не можеше да прецизира колку од нив се пожарникари, колку вработени во „Макпрогрес“.
Сите примени во Болницата во Кочани се во стабилна состојба.
Неофицијално од применитево Болницата во Кочани, четврица се кочански пожарникари. Двајца се врабтени во ТППЕ, двајца се делод составот на ДПД. Сите се со лесни изгореници на нозете.
Пожарот во фабриката за кандирани производи и вафли во Виница избувна вчеравечер во 18,40 часот, во магацините и во производствените погони 6, 7 и 8 .
Содржината на објавата е сопственост на Радио Кочани.
