Доброволното противпожарно друштво Кочани учествуваше на петтиот меѓународен натпревар „Marcana Fire 2026“, кој се одржа во организација на DVD Općine Marčana.
Во конкуренција од 15 екипи, претставниците на ДПД Кочани го освоија седмото место, што претставува солиден резултат на меѓународна сцена.
Од друштвото упатија благодарност до организаторите за, како што наведуваат, одличната организација и гостопримството. Воедно посочуваат дека ваквите настани се важни не само како натпревари, туку и како можност за размена на искуства, знаења и воспоставување соработка меѓу учесниците.
Учеството на вакви меѓународни собири, додаваат од ДПД Кочани, придонесува за унапредување на професијата и афирмација на нивната работа во заедницата.
Од друштвото најавуваат дека и понатаму ќе продолжат активно да учествуваат и да го претставуваат Кочани на вакви настани.
Содржината на објавата е сопственост на Радио Кочани.
