Земјоделците алармираат дека проблемот не е само во увозот, туку и во слабите контроли и неправилното декларирање на производите на пазарите. Според нив, дел од увезената стока се препродава како домашна, со што се оштетуваат локалните производители и потрошувачите.
Економистите посочуваат дека увозот е нормален дел од пазарот, но проблемот настанува кога нема доволна инспекција, јасно потекло и фер конкуренција. Тие нагласуваат дека потрошувачите имаат право да знаат што купуваат, а домашните производители да добијат еднакви услови на пазарот.
Земјоделците велат дека трошоците за производство постојано растат, додека откупните цени паѓаат, поради што сè повеќе производители размислуваат да се откажат. Предупредуваат дека доколку продолжи ваквиот притисок, домашното производство ќе се намалува, а пазарот ќе стане зависен од увоз.
Во селата, велат тие, веќе се чувствува заморот, а младите сè помалку гледаат иднина во земјоделството.
Содржината на објавата е сопственост на Радио Кочани.
