„Добринишко културно лето“, викендов во градот Добриниште, Република Бугарија, се одржа културна манифестација на која учество земаа и членовите на Фолклорниот ансамбл „Љупчо Сантов“ од Оризари. Членовите од големата група на ансамблот задоволни се вратија од успешната турнеја во бугарскиот град, каде што се претставија со повеќе ора: *Водарки*, *Шопчето*, *На трипати* и *Крстачка*.
Концертот се одржа во саботата, на плоштадот во Добриниште, каде покрај домаќините настапија и членови на ансамбли од други градови од Бугарија. Публиката беше воодушевена од настапот на ФА „Љупчо Сантов“, а на крајот на фестивалот ансамблот доби диплома и плакета за успешно учество.
На „Добринишко културно лето“ настапија фолклорни ансамбли од цела Бугарија, меѓу кои и домаќините од Добриниште. Соработката помеѓу ФА „Љупчо Сантов“ и ансамблот од Добриниште продолжува и понатаму. Се очекува бугарскиот ансамбл да земе учество и на манифестацијата „Ѓурѓовденски обичаи, песни и ора“, што традиционално ја организира ФА „Љупчо Сантов“ по повод празникот Ѓурѓовден.
Фолклористите го искористија убавото време за прошетка низ Банско, како и за уживање во топлите базени што ги нуди овој бугарски град. Концертот традиционално заврши со големо оро, во кое се вклучи и публиката.
Содржината на објавата е сопственост на Радио Кочани.
