“До каде е изградбата на патот Прилеп-Битола?„- на ова прашање денеска одговараше, Претседателот на Владата на Република Македонија, Христијан Мицкоски, за изградбата на автопатиштата во државата
„Што се однесува до автопатот Прилеп-Битола, можам да кажам дека до крајот на
овој месец повеќе од 85% од трасата ќе биде, од аспект на имотно-правни односи, завршена и од аспект на истраги, кои што се поврзани со пронаоѓање на
експлозивни направи, исто така испитана и завршена. Но, она кое што за мене е
важно, е дека се следи тој рок, се забрза, за разлика од состојбата од пред
една година кога беше до никаде. Сега можам да кажам дека веќе, последното кое што го разговаравме со изведувачите е дека дваесетина километри фронт е отворен и се работи. И, мислам дека тука ќе биде испочитуван, би рекол, оној рок кој
што е дел од договорот.
Мицкоски истакна дека не е задоволен од динамиката на изведувањето на работите на влезот од Битола
Што се однесува до влезот, морам објективно да кажам дека и покрај сето она што го прави општината, за жал, не сум задоволен од динамиката на изведување на
работите. И, ова е порака пред сè до изведувачот, затоа што имаме уште 7-8
месеци до рокот, а не е ни триесетина проценти од тоа што е договорено,
завршено. И, очекувам да се забрза таа динамика и да се испочитува рокот,
бидејќи тоа предизвикува, нормално непријатно чувство и фрустрација кај
битолчани, наместо еден проект кој што е децениски ненаправен досега, да сите
заедно се радуваме кога се гради и да се гради во рамките на динамиката. Тоа
што можев да го видам, не соодветствува со тоа кое што треба да биде динамика и лично ќе го следам развојот на овој проект.“- рече премиерот Мицкоски кој
денеска беше во посета Битола
Проектот за изградба на автопатот Прилеп-Битола од околу 40 километри напредува, со активни градежни работи . Според надлежните, се очекува оваа делница да биде готов за три до три и пол години.
