Во соработка со здружението за екологија Грин Орг, компанијата Цептер денес донираше современ уред Биоптрон, прочистивач на воздух и Оху спрејови во вредоност од 25 000 на Општата болница во Кочани.
Уредот е наменет за третман на изгореници, ублажување на болки и подобрување на процесот на заздравување кај пациентите.
Со оваа донација, болницата добива можност да применува иновативна светлосна терапија, која според досегашните искуства покажува значителни позитивни ефекти кај различни повреди и состојби. Од болницата информираат дека уредот веќе бил тестиран во краток пробен период, при што е забележано подобрување кај пациент со повреда од пулс.
Претставниците на Цептер нагласија дека поддршката на здравјето на граѓаните и социјалната одговорност се клучен дел од мисијата на компанијата. Од Грин Орг ја поздравија иницијативата, истакнувајќи дека вакви примери ја демонстрираат важноста на заедничката грижа за здравјето на граѓаните и потребата од соработка меѓу бизнис секторот и јавните здравствени установи.
Директорката на Општата болница, Катерина Паниќ Мирчовска, во изјава за медиумите ги сподели првичните впечатоци од употребата на Биоптронот, оценувајќи го како значајно засилување на капацитетите за лекување и унапредување на здравствените услуги во болницата.
Содржината на објавата е сопственост на Радио Кочани.
