На свечен начин, дел од членовите на Доброволното противпожарно друштво – Кочани вечерва го пречекаа новото противпожарно возило марка „Мерцедес“, кое пристигна како донација од Германија.
Станува збор за современо навално возило со високи перформанси и погон на сите четири тркала, наменето за брза и ефикасна интервенција во различни услови на терен.
Со оваа донација, значително се зајакнува оперативната подготвеност на друштвото.
Екипа на Радио Кочани беше на лице место и во продолжение ви пренесува дел од атмосферата, како и изјава од претседателот на ДПД – Кочани, Златко Илијев.
ДПД – Кочани веќе важи за доброволно противпожарно друштво со најголем возен парк во државата, што претставува редок пример за континуирана и посветена работа.
Содржината на објавата е сопственост на Радио Кочани.
