Близу 8 милиони евра за реализација за инфраструктурните проекти, доби Општина Прилеп од вториот Јавен повик за финанасирање на инфраструктурни проекти од Инструментот за капитални инвестиции на Владата.
Општината аплицираше за: реконструкција на дел од плоштадот „Методија Андонов – Ченто“, изградба на мост на ул. „Победа“, реконструкција на ул. „Орде Чопела“, комплетна реконструкција на ул. „Трајко Николоски“, вклучително и електроинсталации, за изградба на нови детски игралишта во центарот на градот и Типски населбата во Прилеп, изграба на водовод за с. Лениште, реконструкција на цевководот кон Индустриската зона и манастирот во с. Селце, поставување на фотонапонска централа на Пречистителната станица, за SCADA интеграција со ГИС системот, за замена на дотраената водоводна мрежа на потегот од јазолот на бул. „Гоце Делчев„ со ул. „Кузман Јосифоски“ до ул. „Ленин“ – фаза хидротехника, за почист животна средина со поставување на полуподземни контејнери на 21 локации низ градот и за реконструкција на фасада на ООУ Рампо Левката.
„Ова значи официјален почеток на нова развојна фаза за нашиот град! Овие инвестиции се директен одговор на реалните потреби на граѓаните и продолжение на нашата посветена работа за подобрување на квалитетот на живот на граѓание,- напиша градоначалникот на Прилеп, Борче Јовчески на својата фејсбук страна.
Минатата, 2024 година во рамки на првиот јавен повик од Инструментот за капитални инвестиции на Владата во септември, Општина Прилеп доби 3 милиони евра за: изградба на кружен тек кај мостот „Табана“, изградба на дел од улицата „Победа“ и за реконструкција на водоводот во Карабдалица.
