За тоа како се одвива реализацијата на градежните активности на автопатот Прилеп – Битола утре, 11 јули, во работна посета и увид на терен ќе имаат тројцата градоначалници на Прилеп, Битола и Могила. Посетата е организирана со цел да се прикаже напредокот на градежните активности на клучната делница 4 од инфраструктурниот проект, како се одвива соработката помеѓу општините и засегнатите страни во проектот.
Планирани се изјави за медиумите од претставници на изведувачите на проектот и од градоначалниците за постигнатите резултати и напредок на проектот, меѓуопштинска соработка и развојното влијание и за следните чекори во имплементацијата на Делница 4 од автопатот Прилеп – Битола.
