Ангажманот на припадниците на Армијата следи по прогласувањето кризна состојба од Владата.
„Генералштабот на Армијата ќе го одреди начинот на нејзиниот ангажман. Претседателката е во тек со состојбата со пожарите и изразува загриженост и сочувство со засегнатите сограѓани“, соопшти нејзиниот кабинет.
Поради сериозноста со пожарите во Владата вечерва ќе заседава кризниот штаб поради состојбата со пожарите во земјава. Со кризниот штаб ќе претседава премиерот Христијан Мицкоски.
Владата вчера донесе одлука за прогласување на кризна состојба од 30 дена на цела територија на државата поради зголемената појава на пожари.
