Изградба на брана на „Арамиска чешма“ за водоснабдување на Пониква, за што комплетно е изготвен проект со техничка документација, најави денеска на прес конференција, носителот на листата со кандидати за советници на Општина Кочани од редовите на ВМРО – ДПМНЕ и коалицијата, Александар Андов. Овој проект, според него, треба да биде реализиран до крајот на мандатот на новиот совет.
Освен ова, Андов најави и одлуки со кои преку општинските училишта и образовните центри ќе се обезбеди преквалификација и доквалификација на повредените за да продолжат со своите кариери, како и одлука на новиот советнички состав, со која повредените учениците ќе добијат стипендии, а за оние што ја изгубиле наставната година, дека ќе се обезбеди целосна финансиска и стручна помош за подготовка и полагање на испитите.
Како носител на советничка листа, најавувам и ветувам дека на сите засегнати од немилиот настан ќе им обезбедиме свој општински простор, каде ќе имаат директна комуникација лице в лице со секој советник — а не комуникација преку медиуми или улица и истите ќе бидат вклучени во Годишната програма на Општина Кочани како приоритет, нагласи носителот на советничката листа на ВМРО – ДПМНЕ и коалицијата во Кочани, Александар Андов.
Тој ги повика граѓаните на 19 октомври да излезат и да го заокружат бројот 9 за Советот и за градоначалник на Општина Кочани, со цел градот да има нов почеток, со конкретни решенија, кои ќе донесат подобро утре за сите граѓани без разлика на партиска, верска и национална определба, затоа што тоа, нагласи Андов, е вистинскиот избор.
Содржината на објавата е сопственост на Радио Кочани.
