Само два потписи ви требаат за да се кандидирате на локалните избори. Така одлучи Државната изборна комисија (ДИК) вчера вечерта. Со шест гласа „за“ и еден против беше усвоен новиот Правилник за собирање потписи за независни кандидати на локалните избори во октомври.
Според Правилникот, независните кандидати за советници и градоначалници ќе треба да обезбедат најмалку два потписи од избирачи во подрачните канцеларии на ДИК.
Собранието не успеа да изгласа измени со кои ќе се прецизира бројот на потписи, па ДИК мораше да најде практично решение, беше образложението од Претседателот на ДИК, Борис Кондарко.
Со ова, за учество на претстојните локални избори независните кандидати ќе треба симболично да соберат по два потписи, додека партиите и коалициите ќе настапуваат според редовните законски услови.
