Shqip
English
Deutsch
Српски језик
Седумдесет и шест гола а реми во трилер завршница , многу ретка и неповторлива на ракометните терени ширум земјава.Што и да се напише и резимира од еден ваков натпревар , мора да биде кратко и во неколку реда , зашто се друго што вечерва се случуваше на мечот помеѓу Борец и Прилеп треба да се доживе на лице место.
Прво, за малку Страшо Илиоски ќе имаше неповторливо деби на тренерската функција , второ, долго време во македонската супер лига некоја екипа не се вратила од минус десет па да има прилика да бие за победа а тоа го имаа прилепчани но … остана на крајот на семафорот 38: 38.Трето, најчудна , најнеизвесна завршница која вредеше и да се погледне но и да се ужива во неа.А за играта …домаќините го имаа водството и по првото полувреме од 23:20 но и долго време во второто .Но не е важно колку време ќе го имаш тоа водство кое достигна и двоцифрена разлика , туку е многу важно дали ќе ја задржиш таа предност и ќе ја претвориш во триумф.За сето тоа да падне во вода се погрижи РК Прилеп , прилепските ракометари израмнија во последните секунди и за жал во контра не се реализира чиста ситуација за гол за да биде епилогот во корист на избраниците на Илиоски.Дуелот погледнете го во видеото подолу а уживајте во финишот , оти ваква драма ретко се гледа.
