Денеска министерот за внатрешни работи Панче Тошковски беше во посета на зимското одмoралиште на МВР во Пониква каде што во овој период се сместени и престојуваат децата и семејствата на загинатите бранители.
Во рамките на оваа посета министерот Тошковски имаше чест да присуствува на заеднички ручек со семејствата на загинатите бранители и во една пријателска атмосфера да поразговара со нив.
Во разговорoт тој истакна дека жртвата што нивните најблиски ја дале за нашата татковина нè задолжува да направиме сè што е во наша надлежност со цел да им се излезе во пресрет на сите нивни барања и потреби и во таа насока потенцираше дека како министер им стои на располагање за нивна поддршка во рамките на надлежностите кои се од делокругот на работа на МВР.
Исто така, во рамките на посетата министерот се сретна и со припадниците на TППЕ и ДПД Кочани каде што од страна на пожарникарите беа посочени недостатоците и слабостите со кои се соочуваат овие две институции во нивното нормално функционирање.
Од страна на првиот човек на МВР беше истакнато дека и тие се свесни и веќе се работи за исчекор напред кога станува збор борбата со пожарите.
Содржината на објавата е сопственост на Радио Кочани.
