Претседателот на Општинскиот фудбалски сојуз (ОФС-Кочани), Александар Андов, беше реизбран за претседател за нов четиригодишен мандат на седницата на генералното изборно Собрание на ОФС-Кочани, што се одржа во Кочани. Андов, како единствен кандидат, ја доби едногласната доверба од сите 27 присутни делегати, што сведочи за силната поддршка од страна на членовите на сојузот.
Во својот говор, Андов истакна дека ОФС-Кочани во наредниот период ќе продолжи со работа на рамномерна распределба на ресурсите и проектите за сите клубови кои се под нивна надлежност. Тој се надева дека сојузот ќе има повеќе застапници во Фудбалската федерација на Македонија (ФФМ), како и во различни комисии и тела во ФФМ, што ќе му овозможи на сојузот да стане посилен и да добива повеќе проекти за инфраструктура, поддршка за клубовите од опрема, како и за членови на репрезентациите и стручни штабови. Андов ја изрази и поддршката на ОФС-Кочани за сегашниот претседател на ФФМ, Масар Омераѓиќ.
На изборната седница беа избрани новите членови на Управниот одбор на ОФС-Кочани. Покрај Андов, за членови на Управниот одбор беа избрани: Оливер Јовановски, Владо Андов, Марјан Јангеловски, Ангелчо Гошев, Гоце Димитров и Драган Јошевски. Во Надзорниот одбор беа избрани: Сашко Ангелов, Митко Бојаџиев и Ристе Лазаров. Како делегати на ОФС-Кочани во Собранието на ФФМ беа избрани Александар Андов, Оливер Јовановски и Марјан Јангеловски, додека нивни заменици се: Владо Андов, Сашко Ангелов и Столе Тошев. За член на Управниот одбор на ФФМ од ОФС-Кочани беше избран Александар Андов.
Со новите избори, ОФС-Кочани продолжува со засилена работа на развојот на локалниот фудбал и поголемо влијание во националните фудбалски структури, што ќе донесе повеќе можности за клубовите и развој на инфраструктурата во регионот.
Содржината на објавата е сопственост на Радио Кочани.
