Мостови, обиколници, градинки, булевари, водоводи, канализации, детски игралишта, пазари ќе се градат низ општините во земјава со парите од првата транша од унгарскиот заем. Тендерите завршиле за повеќе од 200 проекти, а општините кои се 81 на број, до централната власт доставиле вкупно 288 проекти. Нивната изградба почнува со подобрување на временските услови.
Веќе во првата недела од февруари, се очекува да биде распишан вториот јавен повик за општините да можат да ги искористат вкупно предвидените 250 милиони евра од унгарскиот кредит.
Во очекување и на вториот дел од траншата од вкупно предвидените 250 милиони евра која ќе се дели по исклучително поволни услови, локалните власти во Општина Приел веќе ги финализираат постапките за реализација на проектите. Еден од тие проекти е и кружниот кај Табана, за кој веќе е објавен тендер за негова изградба, а јавната набавка ќе трае до 10.февруари , 2025 година, до кога заинтересираните изведувачи ќе треба да ги поднесат своите понуди. Но исто така, со овие средства предвидени се и други инфрастуктурни проекти со фокус на урбаниот дел од општината.
Инкау, во првиот јавен повик учествуваа 80 општини со дури 357 проекти. Од Владата тогаш соопштија дека високиот интерес само потврдува дека мерката за 250 милиони евра капитални инвестиции е оправдана и дека ова ќе биде историско високо ниво на инвестиции важни за локалната самоуправа со поддршка од Владата. Проектот е отворен за сите општини,
