По петти пат кај селото Плетвар во езерцето се одржа традиционалното влегување во водите и оддавање почит на Светиот крст по повод православниот празник Богојавление Водици. Годинава околу 200 пријавени за учество – влегување во ледените води на езерото. Најмладиот учесник има 4 години, а учесници беа и повеќе девојки. Домаќини оваа година беа Валентин Трајкоски, Даниел Димоски, Тони Дамкоски, Александар Најдоски и Бојан Минчески.
По неколку карактеристики настанот е уникатен бидејќи чесниот крст не се полага во езерото како на најголем број места во земјава и странство. Во Плетварското езеро на Водици учесниците чекорат со осветениот крст во водите на одредено место обележано во форма на крст и при излегувањето го принесуваат, го предаваат крстот на следниот пријавен.
