Во храмот на Пресвета Богородица Мало Коњари свеченостите по повод големиот православен празник Богојавление Водици започнаа со утрена богослужба во присуство на голем број верници. Од 9 часот во базенот во дворот на црквата се одржа положувањето на чесниот крст во водите, при што што учествуваа 8 млади верници.
Годинава најсреќен беше 16 годишниот Предраг Будиноски – Пепи кој го извади чесниот крст од водите на базенот. Тој посака здравје и среќа, а доби благослов и пригодни подароци од градоначалникот Борче Јовчески, претседателката на Совет на Општина Прилеп Ирена Стерјоска и од управниот одбор на црквата „Пресвета Богородица“ Мало Коњари.
Во тремот на црквата и годинава се одржа традиционален собир и ручек на мештаните и гости по повод Богојавление Водици.
